Xehetasunak


Erakusketak bere 35 Urteurrena ospatuko du gaztelerazko liburuaren sektore guztiei leku eginez

Beatriz Celaya, ALT autores argitaletxeko sortzailea eta Euskadiko Idazleen Elkarteko (AEE/EIE) presidenteordea ‘Gaztelerazko merkatuetan eraldaketa digitalaren gaineko debateak: Espainia eta Latinoamerikan autoargitalpenaren gorakada’ mahainguruan egongo da datorren asteazkenean, urriak 4, 13:00etan IFEMAko 14 Pabilioiko 14.4 Aretoan. Ekitaldi hau Liber 2017 Nazioarteko Liburu Azokaren baitan egingo da (Madril,urriak 4-6).

Xehetasunak


Epaimahaiak «azken berrogei urteetako euskal gizartea irudikatzeko grina eta zorroztasuna» nabarmendu du

Fernando Aramburu idazle donostiarrak 2017 Euskadi Saria irabazi du gaztelerazko literatura modalitatean Patria bere eleberriarekin (Tusquets Editores, 2016). Berria gaur ostiralez eman da aditzera Gasteizko (Araba) Ignacio Aldecoa liburutegian egin den ekitaldi batean, egilea bertan egon gabe.A ramburuk sari hau jasotzen duen bigarren aldia da; 2001ean Los ojos vacíos eleberriarekin irabazi zuen jada.

Xehetasunak

Bi egileek ‘Chejov vs. Shakespeare’ proiektuan parte hartu zuten

Bukaresten Espainiako Enbaxadak, Bukaresteko Cervantes Institutuak eta Humanitas argitaletxeak mahainguru bat antolatu dute biharko Luisa Etxenike eta Mircea Cartarescuren artean. Solasaldia Lidia Bodeak moderatuko du, hots Humanitas Argitaletxeko zuzendari nagusia, eta 18:00etatik aurrera izango da Errumaniako hiriburuko Cervantes Institutuan.

Xehetasunak


Egile donostiarra 2017ko Haur eta Gazteentzako Literatura Verbun Sariaren irabazleetako bat da

Leyendas de Madrid. Secretos, historias ocultas y curiosidades sobre la capital de España da 2017ko Haur eta Gazte Literaturaren Nazioarteko Saria irabazi zuen antologiaren izenburu osoa, eta aurki liburu dendetan egongo da. Iñaki Sainz de Murieta (Donostia, 1985) bertan parte hartu duten zortzi egileetako bat da La calle de los mancebos bere kontakizunarekin. Saria pasa den apirilaren 12an eman zen eta Verbum argitaletxeak antolatua da.

Xehetasunak


Gaur irailak 22, ostiralez, 19:30etan Cámara liburu dendan (Euskalduna kalea 6, Bilbo) Ángela Sernak Máscaras para no enloquecer izenburua daraman bere poema liburu berria aurkeztuko du, Celya argitaletxeak argitaraturik. Egileak Julián Borao poeta eta Patricia Furlong Radio Vitoriako kazetaria izango ditu mahaikide.

«Ángela Sernak bizi den moduan eta baita ere irakurtzen duen moduan idazten duela onartzen du. Bizitzak urratu besterik ez egitearekin ez da konformatzen. Bizitzak bera zeharkatzea onartzen du. Ez du kerik irakurtzen, sua baizik. Horregatik aurkitu daiteke hainbeste sustantzia bere ez erotzeko Maskaretan, hainbeste funts, hainbeste jakituria». 
Ángel Guinda. Hitzaurretik hartua