Xehetasunak


Obra ALT Autores argitaletxearen katalogoan dago, Beatriz Celayaren argitalpen proiektua alegia

Beatriz Celaya, ALT autores argitaletxeko argitaratzaileak, amodioa eta nortasun propioaren bila dabiltzan hiru emakumeren errealitate soziala agertzen duen endredu komedia bat aurkeztuko du bihar Bilbon, Ava Hocsemen opera prima alegia. Ekitaldia bihar asteazkenarekin izango da, azaroak 29, 19:00etan. Hitzordua Singular-en izango da, Bilboko erdigunean kokaturik dagoen craft beer & food ospetsua (Lersundi kalea 2).

Xehetasunak

 
Euskadiko Nazioarteko Arkitektura Bienalaren lehen edizioaren baitan egingo da

Luisa Etxenike ‘Konposaketa iragazkorrak’ (Composiciones permeables) debatean parte hartuko du datorren azaroaren 30ean, ostegunez, arkitektura, nortasuna eta desplazamenduak gaien inguruan. 19:00etatik aurrera, Donostiako Koldo Mitxelena Kulturgunean nortasunei, espazio publikoari eta mestizajeari buruzko bi aurkezpen egingo dira. María Heras eta Ángel Verdasco arkitekturako profesionalek hartuko dute parte, Melillatik Nikaraguaraino kasu zehatzak aurkeztuz.

Xehetasunak


Filosofo eta idazle donostiarrarekin batera Jon Juaristi egon zen

Pasa den irailean Madrilgo Argitaratzaileen Elkarteak Antonio de Sancha XXI Saria eman zion Fernando Savateri «bere ibilbide pertsonal eta intelektualaren aitorpen gisa bai eta liburuaren eta kulturaren defentsagatik, hezkuntzarako eta pertsonen garapen intelektual eta etikorako ezinbesteko elementuak baitira». Atzo eman zitzaion saria Cervantes Institutuan, Jon Juaristi poeta eta historialariarekin batera egindako ekitaldia, azken honekin liburuei eta irakurketari buruz mintzatu zuelarik, besteak beste. «Liburua da giza ilusioa mugitzen duen makina bakarra», esan zuen Savaterek ekitaldian.

Xehetasunak

 

Poema bildumak, ausentzien eta presentzien ziklo moduan erakusten du bizitz

José Serna Andrések azaroaren 24ean, ostiralez, Bilboko Cámara liburu dendan, 19:30etan, Ciclo de vuelos bajos liburua aurkeztuko du, Amarantek argitaratua. Egilearekin batera Blanca Sarasua poeta eta Santiago Liberal poeta eta rapsoda egongo dira.

Ciclo de vuelos bajos liburuak, “ametsekin elikatzen den garai batean uzten dituzun ausentzien eta presentzien, argien eta galeren ziklo moduan” erakusten du bizitza, “eta musuaren ezpainek laztantzen dutenean, ez da jaio izanaz damutzen”.

Xehetasunak

 

Jo, jo, jo ostiralean aurkeztuko da Bilbon

Abel Amutxategik Bilboko Joker liburu denda aukeratu du azaroaren 24ean, ostiralez, 19:00etan Jo,jo,jo (Ediciones el Transbordador) bere eleberri laburra aurkezteko, Gabon kutsua duen testua, umorea eta fantasia nahastuz eta zonbiak ere dituena.