Jesús Ortiz: “Historikoki argitaratzaileak sekula ez dira ia ezertan ados jarri”
- Xehetasunak
Jesús Ortizek, Milrazones-eko argitaratzailea, parte hartzen du AEE/EIEk antolatutako ‘Egilea argitalpen mundu berrian' Jardunaldian, irailaren 20an Bilboko Alhondigan. Bere hitzaldia ‘Argitalpenaren mundua gaur’ mahai inguruan kokatzen da eta horretan, Ortizekin batera, Sergio Mejíasek (Bubok), Andrés Fernándezek (Argitaratzaileen Gremioa) eta Pepe Verdesek (Manuscritics) hartuko dute parte. Honetan, Jardunaldiaren gainontzeko ekimen guztietan bezalaxe, sarrera libre da.
Milrazones ia 40 izenburu argitara eman dituen argitaletxea da. Ortizek berak esan bezala, zoriontsua da, izan ere ez baitu baliatu besteen lana eta talentua bere burua aberasteko, eta ez du horren beharrik sentitu behin ere: “Nire inguruko lankide asko eta asko bezalaxe, soldatadun lanpostu batean baino askoz ere ordu gehiago egiten dut lan. Ez dut nagusirik, ezin inori okertutako erabakien inguruko kulparik bota hortaz, eta hilabete bukaeran nominarik gabe gainera. Baina, jada heldua naizela, txikitatik egin eta izan nahi izan dudana egiten dut eta banaiz”. Argitaratzaile izateko badiren milaka arrazoiren artean bat, pisuzkoa gainera.
Sergio Mejías (Bubok): “Egileentzako jada autoargitalpena ez da alternatiba soilik, baizik eta besteen gainetik gailentzen den aukera”
- Xehetasunak
Sergio Mejías liburuak argitaratzeko Bubok izeneko zerbitzuaren zuzendaria eta sortzaileetako bat da. Larunbata honetan, Bilboko Alhondigan Asociación de Escritores de Euskadi-Euskadiko Idazleen Elkarteak antolatu duen ‘Egilea argitalpen mundu berrian’ izeneko Jardunaldian parte hartuko du.
Mejías, AEE/EIEri eskainitako elkarrizketan liburuak argitara emateko Bubok-en jarraitzen den prozeduraz aritu da. Argitalpen plataforma horrek, urtean 12.000 izenburu berri inguru jasotzen du. "Horiek guztiak plataforman daude salgai eta horietatik gutxi gora behera % 10a liburu denden programa deritzogunaren parte bilakatzen dira. Programa horren parte dira edozein plataforman, digital nahiz fisikoan, banatuak izan ahal izateko beharrezkoak diren kalitate baldintzak betetzen dituzten liburuak sartzen dira".
José Antonio Muñoz: “Askotan, argitaratzaileen babesa edukita ere, idazlea bera da hariak mugitu behar dituena"
- Xehetasunak
Jose A. Muñozek ‘Nola eta non saldu nire liburua’ izenburuko workshop (tailerra) deritzona eskainiko du Asociación de Escritores de Euskadi – Euskadiko Idazleen Elkarteak Bilboko Alhondigan irailaren 20an, larunbata, antolatutako ‘Egilea argitalpen mundu berrian’ Jardunaldiaren baitan.
Muñoz (Badalona, 1970) kultur kazetaria da, liburuetan aditua. RevistadeLetras.net (LaVanguardia.com gunearen liburuen kanala) gunearen zuzendaria izan zen lau urtez, ViajeaÍtaca.net literaturari buruzko bere website propioa sortzea erabaki zuen arte. Berez, website hori 1999az geroztik egiten duen, eta egun El Prat Radion emititzen ari den irratsaioaren online bertsioa da. Argitalpenaren sektorean, zigilu ezberdinetarako komunikazio eta prentsa lanak burutu ditu (Granica, Ronsel, RobinBook, Debolsillo) eta liburuen promozio tradizionalean 2.0 teknika berriak aplikatzeko prestakuntza eta birziklatze ikastaroak eman ditu.
Javier Díaz de Olarte (CEDRO): “Egileen eskubideak babesteko neurriak ez datoz bat argitalpenaren munduan ematen ari den egoera berri honekin”.
- Xehetasunak
Javier Díaz de Olarte Bareak, egile eskubideetan aditua eta CEDROren Bulego Juridikoaren arduraduna, larunbata honetan Bilboko Alhondigan burutuko den ‘Egile eskubideak mundu aldakor honetan’ izeneko tailerra zuzenduko du. Euskadiko Idazleen Elkarteak antolatuko ‘Egilea argitalpen mundu berrian’ Jardunaldiaren baitan kokatzen den Workshop honetan parte hartzea libre da, tokia bete bitartean.
AEE/EIEri eskainitako elkarrizketan, Olartek, beste hainbat konturen artean, gogora ekarri duenez, “egun, egileen eskubideak babesteko beharrezkoak diren neurriak askotan ez datoz bat bizi dugun unearekin, non egilea jendartearen aurrera agertzen den modu irekiago batean eta liburuak eta bestelako lanak eskuratzeko aukerak erraztu diren. Teknologiak eragin globala duten erabilerak ahalbidetzen ditu eta, aldiz, aldaketa horiei behar bezala egokitzen den babes sistema eraginkorrik ez da artikulatzen ari. Are gehiago, egun tramitean diren hainbat lege aldaketek eskubideen babesaren sistema hankaz gora dezakete. Sistemak idazleari bermatu behar dio lanaren erabileren gainean erabaki ahal izateko aukera, bai eta erabilera horien truke behar bezalako ordainsaria jasotzeko aukera.
Mercedes Pinto: "Egun, autoargitalpena idazle berrientzako aukerarik interesgarriena da”
- Xehetasunak
Mercedes Pinto Maldonadok Bilboko Alhondigan parte hartuko du datorren irailaren 20an, Fernando Aramburu idazlea eta Javier Cámara liburu saltzailearekin batera, AEE/EIEk antolatutako Jardunaldiaren baitan burutuko den “Hau da nire esperientzia” izenburupeko mahai inguruan.
Granadako idazleak eskainitako elkarrizketan, gogotik defendatzen du idazleek autoargitalpenari esker euren lanen gainean duten erabateko kontrola; berak ongi daki, izan ere Espaina, Alemania, Frantzia eta Ingalaterran salduenetako hamar izenburuen artean bi bereak izan baitira (horietako bat urte eta erdiz egon da Amazon-en Top 100ean) eta 10.000 irakurleek ordaindu baitute bere liburuak eskuratu ahal izateko. Ediciones B argitaletxearen baitan, Ebooks delakoaren B lerro digitalean, lau lan ditu argitara emanak: 'El talento de Nano' (gazteentzako eleberria), 'La última vuelta del scaife' (eleberri historikoa), 'Maldita' (50garren hamarkadan girotutako eleberri tragiko erromantikoa) eta 'Pretérito imperfecto' (eleberri tragiko erromantiko garaikidea). 'El fotógrafo de paisajes' (intrigazko kontakizuna) Planetak azken urtean sortu duen Click izeneko zigilu digitalean argitaratu du.