Xehetasunak

Urtarrilaren 17an, larunbata, 2013an zendu zen Javier Tomeo idazlearen omenez egindako '35 Noches para un sueño' izenburupeko kontakizunen bildumaren irakurketa-aurkezpena burutuko da Bilbon.

Ekitaldia Elena Peraltak (idazlea eta aktoresa)  eta Mª José Mielgo Busturiak (idazlea) aurkeztuko dute. Liburuan parte hartu duten egile zenbaitek euren testuak irakurriko dituzte, eta testuei ahotsa jarriko diete ere Mª Ängeles Pérez Ondiviela rapsodak eta  Santiago Liberal idazleak. Hitzordua, goizeko 11.30etan Burtsaren Eraikinean (Pilota kalea. Alde Zaharra).

Liburuari buruzko informazio gehiago.

Xehetasunak

Abenduaren 18an Bilbon aurkeztuko da José Serna Andrésen 'Otras palabras-Beste hitz batzuk' (ArteActivo Argitalpenak) liburuaren edizio elebiduna. Euskararako bertsioa David Tijero Osoriok itzuli du. Testua irakurketa poetiko bat da, ebanjelioak dituelarik testuinguru, garai ororekin konprometitutako irudikaria osatzeko gaurkotasuneko gaiak erabiltzen dituelarik.

Aurkezpen ekitaldia arratsaldeko 19,00etan izanen da, San Pablo liburu-dendan, Mazarredo Zumardiaren 3. zenbakian.  Egileekin batera, Sebastián García eta Roberto Lastre (argitaratzailea) egongo dira. Joseba Bakaikoak testuak irakurriko ditu eta horiek musikaz lagunduko ditu Salva Salazarrek.  

Xehetasunak

María José Mielgo Busturia Granada Costa Kritika Saria jaso zuen pasa den azaroaren 29an, 'Las ventanas de la vida' liburuari esker. Saria, Almuñecarren eman zion D.Alfonso Monteagudo idazleak.

'Las ventanas de la vida' kontakizun sorta bat da. Carmen Posadas idazleak esan bezala,  "ipuin hauekin identifikatzea oso erraza da. Den denok ezagutu ditugun bizipenak dira, baina, Maria Josek berak dioenez, leiho ezberdinen forma hartzen dute, euren izate barnekoena guri erakusteko zabaltzen diren leihoak, badutelarik ere alde ilun kezkagarri bat, baina batera konplize eta erredentorea”.

Xehetasunak

Alrevés argitaletxeak Gonzalo Garridoren El patio inglés eleberriaren bigarren edizioa eman berri du argitara, eleberria aurkeztu zenetik hilabetea bete den honetan.  Arrakasta hau kritika eta irakurleen artean izan duen harrera onaren emaitza da, izan ere, dioten bezala, eleberri “sinesgarria, adimentsua eta ederra” baita.

'Las flores de Baudelaire' liburuaren idazleak, oraingoan arreta oso jarri du senitartekoen arteko liskarretan, zenbait gizarte planteamendu injustuetan, norberaren patua onartzeko zailtasunean.

Garridok berak azaldu bezala, bere eleberria “laurogeigarren hamarkadako maila ertaineko familia baten istorioa da, aita eta seme baten arteko harremana ardatz. Euskadin kokatzen da, oso garai intentsuan, politikoki, ekonomikoki zein sozialki”

Xehetasunak

Abenduaren 15n, arratsaldeko 19.30etan Bilboko Euskalduna Kaleko Cámara Liburu-dendan Agustín Mamolarren 'Blues en Cauterets' eleberria aurkeztuko da.  Idazlearekin batera, aurkezpen ekitaldian Alberto Letona kazetari eta idazleak hartuko du parte.

'Blues en Cauterets', I Grup Lohber Eleberri Saria, idazle bilbotarraren hirugarren eleberria da. Horretan, traizioa, erailketak eta manipulazioa bere protagonista den César Astarloaren bizitzaren osagai nagusi bilakatzen dira. Astarloa, bolada txarrean dabilen idazle arrakastatsua da. Bilbo, Donostia, London, Milan, Esmirna, Atenas eta Greziar Irlak dira eszenatoki eleberrian. Idazleak berak azaldu bezala, “trama abiatzen da César Astarloaren lagun minak bere buruaz beste egitean eta idazlearen bikoteak alde egiten duenean; bi gertakari horiek Astarloaren bizitza hankaz goratuko dute eta aitzinera ezin izango du lerro bakar bat ere idatzi”.