Xehetasunak

 

Gasteizen hilaren 31 arte burutuko den ‘Poetak Maiatzean’ III. Nazioarteko Poesia-Jaialdiaren baitan, maiatzaren 11an, arratsaldeko 20:00etan zabalduko da Ignacio Aldecoa Kultur Etxean abiatuko da 'Juan Carlos Eguillor' III. Ikus Poesia Sarian hautatutako lanekin osatutako erakusketa.

Euskadiko Idazleen Elkarteak antolatutako Saria  Kataluniako Óscar Sotillo artistak irabazi zuen,  'Equidistancia' lanari esker (ezker aldeko argazkian). Horretan ere accesit bi banatu ziren, Granadako Raúl Regueras 'Ayer' izeneko lanari eta Julio Fernández Peláez galiziarra 'Metamorfosis social' lanari.

Epaimahaia osatu duten disziplina-anitzeko artista Brenan Duartek, Ricardo Ugarte idazleak eta BilbaoArteko zuzendaria Juan Zapaterrek, sariaren deialdira aurkeztutako 106 lanetatik 23 hautatu dituzte erakusketa osatzeko. Sarian nazional eta nazioarte mailan aritzen diren artistek hartu dute parte; tartean ere Arabako artista biren lanak hautatu dira: Miguel Alfredo Hernández Busto (Zirika) 'Eutsi' lanarekin eta Iñaki González-Oribe ‘Libertad, igualdad, fraternidad’ lanarekin.

Xehetasunak

Gasteizen poesia hedatzea da ‘Poetak Maiatzean’ III. Nazioarteko Poesia-Jaialdiaren helburua eta hiriaren esku-hartzearekin eraikiko da. Hilabete osoan zehar, mintegiak, errezitaldiak, kontzertuak, ikus poesiaren erakustaldia, irakurketa herrikoiak, poesia eta sukaldaritza... antolatu dira.

Elisa Rueda idazleak zuzendutako jaialdia honetan, tokiko eta gonbidatutako poetek, elkarteek, poesiaren inguruko tailerrek, kantautoreek, musika-taldeek, aktoreek, musikariek, dantzariek,... esku hartuko dute eta guztiei esker, hitzak poesia bilakatuko dira.

AEE/EIE, beste behin, jaialdiaren antolakuntzaren kolaboratzailea da; oraingoan, 2014ko ‘Juan Carlos Eguillor’ Ikus Poesia Sarian hautatutako lanekin osatutako erakusketa eskainiko du.  Erakusketa maiatzaren 11an zabalduko da, arratsaldeko 20:00etan, Ignacio Aldecoa Kultur Etxean.

JAIALDIAREN EGITARAUA

Xehetasunak

Jorge Urretak Última línea argitaletxearen eskutik eman du argitara eleberri hau. Aitor Garmendia da protagonista; nerabe arrunta da, ikaslea, bere lagunekin hor barna ibili ohi dena eta bilbotarra denez, harro agertu ohi da. Gazte ausarta eta apustuzalea da, erronka eroak bota ohi dituena, ausartegiaren fama eman dizkionak. Hirian merkatal gune berria zabaldu behar dute eta horren aurrean, betiko moduan, ideia eroa etorri zaio Aitorri burura jada bere lema bilakatu den "¿Quién dijo miedo?" horren ildotik. Baina, oraingoan, sorpresa hartuko du eta espero ez duen sekretua topatuko du bidean.

'El año de la hortaliza' lanaren arrakasta eta gero, Urretak polizi intrigazko eleberria dakar oraingoan; egileak gustuko duen generoa da eta horretan eroso dabilenaren froga da lan hau. Idazleak berak adierazi bezala, “ '¿Quien dijo miedo?' lanean istorio harrigarria eta bizkorra luzatzen dizuet; irakurlea hasiera hasieratik harrapatzen duen istorioa da, misterio eta ustelkeri kontuetan barrena murgiltzera gonbidatuz”.

Xehetasunak

Ostegunean, apirilaren 16an, Bilbon Antonio Mauraren 'Cartografía literaria de Brasil' liburua aurkeztuko da. Ekitaldia, Bilbotar Elkarteak, Bilbon dagoen Brasilgo Kontsulatuak, Euskadiko Idazleen Elkarteak, Ediciones Ambulantes delakoa keta Hispaniar - Brasildar Kultur Fundazioak antolatu dute.

Horretan, idazleaz gainera, Bilbon Brasilgo Kontsula den Tomás Gonzálezek eta literatura kritikoa den Elena Sierrak hartuko dute parte. Aurkezpena arratsaldeko 19.30ean izango da, Bilbotar Elkartean (Nafarroa Kalea, 1).

Antonio Maura brasildar sormen literarioa mapan jartzen hamarkadak eman ditu.  Hitzaldi eta mintegietarako sortutako bere testuak, askotan ere idazle brasildarrak Espainiara bisitan etortzen direnerako eginak –berak egin ohi die harrera- bilduma sakon eta sutsu honetan jaso izan dira, bera bezalako analista maitemindu batek soilik sina dezakeen argitalpenean. Brasil irakurtzeko modu ugari dago; hau, Antonio Mauraren tankera da, XX. Mendea laburtzeko egin duen aukeraketa txukuna.

Xehetasunak

Apirilaren 23an, osteguna, arratsaldeko 19:30ean, Bilbotar Elkartean (Nafarroa Kalea 1, Bilbo) Gonzalo Garrido idazlearekin topaketa egingo da, ‘El patio inglés’ bere azken eleberriari buruz aritzeko.

Bere bigarren eleberri honetan, 'Las flores de Baudelaire' eleberria eta gero, egileak berak aditzera eman duenez “zerbait pertsonalagorako erregistro aldaketa” topatuko dugu. Bizitzaren, kamusada eta minaren inguruko istorio barne-barnekoa. Eleberriak senideen arteko iskanbilatan jartzen du arreta, gure jendartearen zenbait planteamendu bidegabeetan, gure patua onartzeko zailtasunean".