Javier eta José Luis Díez (díez+zeíd) anaiek irabazi dute ‘Juan Carlos Eguillor’ IV. Nazioarteko Ikus Poesia Saria
- Xehetasunak
Javier eta José Luis Díez anaiek, euren lanak díez+zeíd deituraz sinatzen dituztenek, irabazi dute Euskadiko Idazleen Elkarteak antolatzen duen ‘Juan Carlos Eguillor’ IV. Nazioarteko Ikus Poesia Saria. Elssie Ansareo, Mikel Jaúregui eta Óscar Sotillosek osatutako epaimahaiak ‘Controversia’ lana hautatu du, aurkeztu diren 119 lanen artetik hoberena delakoan.
‘Juan Carlos Eguillor’ irabazten duen lanari 600 euroko saria dagokio; batera, accesit bi banatzen dira; oraingoan, accesitak Jordi Alcarazen ‘La partida’ eta Iñaki Saldañaren ‘Me siento libre’ lanek jaso dituzte. Hauetaz gainera, epaimahaiak beste 20 lan hautatu ditu eta, saritutako lanekin batera, udazkenean Bilbon inauguratuko den erakusketa osatuko da. Erakusketa Estatuko eta Euskadiko zenbait hiri bisitatuko ditu.
Sarira Espainiako komunitate guztietatik aurkeztu dira lanak, bai eta Argentina, Kanada, Txile, Kolonbia, Kuba, Estatu Batuak, Irlanda, Mexiko, Uruguai eta Venezuelatik ere.
'Egilea argitalpen mundu berrian’ II Jardunaldia irailaren 19an burutuko da Bilbon
- Xehetasunak
Euskadiko Idazleen Elkarteak (AEE/EIE) ‘Egilea argitalpen mundu berrian’ Jardunaldiaren bigarren edizioa antolatu du. Honekin, 2014ean abiatutako ekimenari emango zaio jarraipena, sektorean aritzen diren eragile ezberdinen arteko elkarrizketan sakontzea duela helburu.
Etengabeko aldaketan dabilen errealitatearen ulermen eta onura gehien lortzea da helburua, idazleei eskainiz argitalpenaren eta auto-argitalpenaren munduari buruzko analisi sakona. Honetan dabiltzan eragile guztiek idazmenak izan ditzakeen onura eta aukera anitzak ezagut eta neur dezaketen lortu nahi da.
Jardunaldia irailaren 19an burutuko da, Bilboko Alhóndigan, Bastida aretoan. Ponentziak, mahai inguruak eta publikoari zabaldutako eztabaidak eskainiko dira. Goizeko 10.00etan abiatu eta arratsaldeko 18.00etan amaituko da, tartean bazkaltzeko atsedenaldia egingo delarik. Bigarren jardunaldi honetan, lehenengoan bezala, AEE/EIEko kideez gainera, interesa duen pertsona orok har dezake parte.
Luisa Etxenikek Donostian aurkezten du Clara Obligadoren 'La muerte juega a los dados'
- Xehetasunak
Luisa Etxenikek maiatzaren 14ean, osteguna, Donostian aurkezten du Clara Obligadoren 'La muerte juega a los dados' liburua. Aurkezpen ekitaldia Gipuzkoa Plazaren 11n dagoen Zubieta liburu dendan izango da, arratsaldeko 19.30ean.
'La muerte juega a los dados' generoen eta fikzioa beraren mugan koka daitekeen liburua da. Buenos Aireseko goi mailako familia baten etxean buruan tiro bat duen gizona agertuko da. 1936. urtean gaude. Hauxe abiapuntu hartuta, eleberriarena propioa den istorio ezberdinez osatutako sarea zabalduko da. Baina, batera, Clara Obligadok kontakizun poliziakoa eta egun arte heltzen den familia saga oso bat garatuko du; arkitektura bikaineko ipuinez osatutako bilduma, generoa bide berrietara zabalduz.
GUARDETXEKO IV POESIA JAIALDIA burutuko da Donostian maiatzaren 18tik 23ra
- Xehetasunak
Juan Manuel Uría idazle eta argitaratzaileak zuzendutako Guardetxeko Poesia Jaialdia aurrera doa, laugarren edizio honetan, jaio zenetiko poetika berberarekin: interdiziplina, nahasketa, mestizajea eta itxuraz desberdina den arteko topaketa amankomunean duten puntu berdin batean: Poesia.
Uriaren esanetan, “poesiak anaitzen gaituen sustraiera igortzen gaitu: Gizadia. Zentzu horretan Poesia funtsean bateratzailea da. Gizadi hau Poesia bezala kulturak, herriak, garaiak eta Historiarekin zeharkakoa da, edozein muga fisikoa edo pentsamendukoa gaindituz, sormena eta bizitzarako esparru bat sortuz, horretan denok sartzeko.
"Objektu bat begiratu eta horrekin zer egin daitekeen aztertzea da gure gutizia"
- Xehetasunak
‘Juan Carlos Eguillor’ IV. Nazioarteko Ikus Poesia Saria irabazi duten díez +zeíd anaiekin elkarrizketa’
Javier eta José Luis Díez anaiek, euren lanak díez+zeíd deituraz sinatzen dituztenek, irabazi dute Euskadiko Idazleen Elkarteak antolatzen duen Ikus Poesia Saria. Elssie Ansareo, Mikel Jaúregui eta Óscar Sotillosek osatutako epaimahaiak ‘Controversia’ lana hautatu du, aurkeztu diren 119 lanen artetik hoberena delakoan.
Industria diseinuan aritzearekin batera ikus poemak sortzen dituzte, beraiek azaldu bezala, “objektuen inguruko buruetatik abiatuta”. Euren burua artistatzat izendatzea ez dute maite eta miresmena dute Chema Madoz eta Brossa bezalako ikus poesia sortzaileengan. Javier Díezek AEE/EIE webgunerako egindako elkarrizketa honetan ikus poesiaren inguruko bere iritzia eman dugu; besteak beste, azaltzen digu haren aburuz ikus poesiak “irudi motelak lasaitasunez eta sakonki disfrutatzeko aukera ematen digu”.