Xehetasunak

Aurten Egilearen Jardunaldien zortzigarren edizioa egingo da, Euskadiko Idazleen Elkarteak (AEE/EIE) antolaturik, Eusko Jaurlaritzaren Kultura Sailaren  babesarekin eta Bizkaiko Foru Liburutegiaren, del Euskadiko Editoreen Elkartearen eta Cedro-ren laguntzarekin.   

2012an sortu zirenetik, Jardunaldi hauek euskal adituak espezialista globalekin elkartzeko aukera eman dute (argitaratzaileak, liburu saltzaileak, banatzaileak, egileak eta abar), sektoreak gurutzatzen dituen egoera ezberdinak elkarrekin baloratzeko aukera emanez ere, bai eta Euskadiko irudi kulturalaren nazioartekotzea sendotuz, haien ezagutza ekarri duten Alemaniako, Erresuma Batuko, Mexikoko edo Amerikako Estatu Batuetako lehen mailako hizlariekin batera.

Xehetasunak

Urtarriletik hona gure bazkideen azken argitalpenen plazaratzeak iragarri ditugu, unibertso ezberdinetara garamatzaten obrak eta hausnarketak eta emozioak eragiten dizkiguten lanak:  José Ignacio Carneroren azken eleberria "Hombres que caminan solos"; "La herida", Carlos Télez Sedanorena bertsio digitalean; "El ruido de entonces", Anton Arriolaren eskutik; "La montaña del infierno", Marisol Ortiz de Záraterena;  “Medios digitales, participación y opinión pública”, Daniel Barredo idazlearena edo "La escultural Mary" audioliburua, M.J. Praderaren eskutik.

Negua udaberri literario batekin amaitu da, urtaroari dagokionez gain ere luzatuz eta liburu onez jositako 2021 urtea iragarriz. Jarraian, oraindik plazaratzeko zain dauden gure bazkideen zenbait argitalpen iragartzen dizkizuegu:

Xehetasunak

Gaurkoan M.J. Praderaren "La escultural Mary" audioliburua aurkezten dizuegu. 

Alt autores,  Xook Audio argitaletxea eta  Jarpa Studio produktoraren artean  lortutako akordioaren baitan sortutako audioliburu hau plataforma nagusietan eskuragarri dago jada (Storytel, Kobo, Podimo, Audiolibros.com), Yotzmit Ramírez bikoizketa aktorearen ahotsarekin.

M.J. Praderaren “La escultural Mary” audioliburuak, nolabaiteko ikuspuntu historiko batetik, milioika kubatarrek haien herrialdetik kanpora egindako erbeste luzearen gorabeherak kontatzen ditu. Eta, bereziki, erbesteko haur kubatarren ziurgabetasunak: errefuxiatutako haurrak, bakarrik dauden adin txikikoak, XX mendeko hirurogeiko hamarkadan Kubatik irten zirenak eta XXI mende betean dauden beste hainbeste haur errefuxiatuen oso antzeko istorioa dutenak.

Orain audioliburuan aurkezten den istorio honek, Kubari dagokionez XX mendeko bigarren erdialdeari birbegirada ematea ahalbidetzen du, amaierarik ez duela dirudien ihesean haien lurraldetik atera zituzten kubatarren bizi esperientziari garrantzia berezia emanez. Kuban aldaketa soziala ematen ari den garai hauetan, kontuan hartu beharreko ikuspuntu bat eskaintzen du liburuak. Yotzmit Ramírez mexikarraren ahotsak maisutasunez garamatza istorio honetan barna.

Xehetasunak

Ramón Andrési  Euskadiko Idazleen Elkartera ongietorria eman diogu

Saiakera idazlea, musika aditua eta poeta. 2015Ean Kulturaren Vianako Pintzea Saria  jaso zuen eta 2018tik hona Sant Jordi Arte Ederretako Kataluniako Errege Akademiako kide da. Ikerketa lanetan eta ezagutza transferentzian kolaborazioak egiten ditu unibertsitateetan eta mintegiak, hitzaldiak eta irakurketak eskaintzen ditu Espainia eta Latinoamerikako erakunde ospetsuenek gonbidaturik. Eta urtero, Donostiako Elías Querejeta Zine Eskolak eskaintzen dituen ikastaroetan aritzen da ere.  

Pasa den urtean zehar bi obra argitaratu zituen, horiek haien bigarren edizioan daudelarik jada:  Filosofía y consuelo de la música saiakera (Acantilado, 2020) eta Los árboles que nos quedan  poema bilduma (Hiperion, 2020).

Horietatik lehenean (Filosofía y consuelo de la música), Ramón Andrések iraganeko bi egilerekin elkarrizketa egiten du eta musikaren filosofiaren historia bat gaztelaniaz modu berritzailean eraikitzen du. Boecioren bideari jarraituz, hark “filosofiaren kontsolamenduari” buruz hitz egin baitzuen, testu jakintsu eta hurbil bat eskaintzen digu, musikari buruz idaztea kontsolamendua luzatzeko modu bakarra ez dela ikasiko duelarik horri esker irakurleak, gure askatasun erreserba lagaezina gordetzeko modu bat baita.

Bigarrenean (Los árboles que nos quedan), Ramón Andrésen poesia naturan, oroimenean eta esperientzian doinu intimista, emotibo eta filosofiko batetik sakontzen da

Ongi etorria AEE/EIEra, Ramón!

Xehetasunak

Gaurkoan Daniel Barredo-ren azken lana aurkezten dizuegu. “Medios digitales, participación y opinión pública”, Kolonbian Tirant Lo Blanch Argitaletxeak plazaratua.

Liburu honetan, Daniel Barredok medio digitalen, partaidetzaren eta iritzi publikoaren arteko harremanaren gaineko hausnarketa egiten du eboluzioa ardatz moduan hartuta, ibilbide historiko bat marrazten saiatuz. Lan honekin, 400 erreferentzia baino gehiago kontsultatzera eraman duen 3 urteko ikerketa lanari amaiera bikaina ematen dio

Egileak berak lan honi buruzko bere inpresioak laburbiltzen ditu: “liburu honetan ibilbide historiko bat egiten dut lehen komunikabideak asmatu zirenetik, sare sozialen ezaugarri diren jarduera partizipatiboen komunikazio sistema automatizatuen garapeneraino. Osotara, 437 orrialde hauetan, komunikabide digitalen eta herritar partaidetzaren arteko harremanari buruzko  landa-azterketa biltzen duten 3 urteko lana eta oharrak jasotzen ditut, bereziki Kolonbia, Txina eta Espainian, besteak beste, baina ezin zitekeen gutxiago izan Espainian egindako doktoretza formakuntzaren ondoren, Kolonbiarekin irakasle moduan dudan lotura kontuan hartuz, eta Shanghain, Txinan, Fudango Fudan Development Instituten ikerlari gonbidatu moduan egindako lankidetzaren ondoren”.

"Nire ikuspuntutik, aurregradu eta graduondoko ikasleentzako oso liburu baliagarria da, eta jendartearentzako orokorrean ere, komunikazioaren teoriak sintetizatzen eta azaltzen saiatzen baita, ziberkomunikazioaren aurrerapenekin, hori guztia modu atseginean, irudi ilustratzaileekin,  zeharo akademikoa den diskurtso batetik ihes egin nahian. Liburuaren ideia komunikazio kultural eta digitalaren teorien nire klaseak prestatzen sortu zen, eskuliburu ugari teknikoegiak edo espezifikoegiak zirela ohartu bainintzen. Horregatik, beharrezkoa neritzon bokazio entziklopedikoa zuen liburu bat idaztea, irakurleak komunikabideek aurre egiten dituzten aldaketa eta erronkak modu sekuentzialean jarraitu ahal izateko liburu bat, eta zabaltasun handiagoarekin hartuz, komunikazio garaikidea ulertzeko ere”.