Xehetasunak

Jose María Lizundia

Euskadiko Idazleen Elkartera ongietorria eman dogu Asier Maia Anabitarteri.

Gasteiztarra jaiotzez, Euskal Filologian Lizentziaduna eta hogeita hamar urtez hezitzaile eta maisu lanetan aritua da, orain arte hiru obra argitaratuz autoedizioaren bidez.

2013 urtean, bere buruarentzako urte askoz idatzi ondoren, bere lehen liburua argitaratu zuen autoedizio bidez eta bi hizkuntzatan: “BIZI-HITZAK, barne bidaia literarioa / VIDAS Y VENIDAS, Un viaje literario interior”. Lagun batzuen argazki erakusketa bisitatu ondoren, hausnarketak, ipuin txikiak, poemak eta narrazio laburrak idatzi zituen argazki bikain horietako batzuentzako.

2018an, autoedizio bidez ere, “LEYENDO VIVO, El alma secreta de los libros” obra plazaratu zuen. Irakurri zituen 25 liburutatik ateratako 25 zita abiapuntutzat hartuz, bidaia kontakizunak, narrazio laburrak, prosa poetikoa eta poemak idatzi zituen. Horiekin batera, Iñaki Lauzirikak testu bakoitzarentzako “ad hoc” egindako ilustrazioak aurkitzen ditugu ere.

Azkenik, 2020ko azaroan eta, nola ez, autoedizio bidez ere, orain arte anbizio handieneko bere proiektua izandakoa argitaratu zuen: “ZURI-BELTZAREN KOLOREAK / LOS COLORES DEL BLANCO Y NEGRO”, bi hizkuntzako edizioan zein Euskarazkoan bakarrik.

IÑAKI LAUZIRIKAren ilustrazioen edizioaren emaitzarekin konforme egon ez ondoren, hari ordain moduan bere ilustrazioekin erakusketa bat egitea pentsatu zuen. Proiektua borobiltzeko, ilustrazio bakoitzarentzako olerki bat idatzi zuen, eta, oraingoan bai, merezi duten moduan goratuak ikus daitezke. Gai sozialak (emakumearen egoera, emigrazioa, bazterkeria, ahaztuak eta ikusezinak), eta hausnarketarako eta protestarako hizkuntzen eta arteen beharrezko eginkizuna dira poema bildumaren ardatz nagusia.

Liburuan bertan, QR kodeen bidez, 42 emakumeren ahotsetan olerki guztiak entzun daitezke. Horrekin guztiarekin, hilabete batez Gasteizeko ARTGIA Sorgunea galerian aurkeztu zuen liburua eta ilustrazio guztien erakusketa, horri guztiari KOLDO BERRUETEren egurrezko eskulturak gaineratuz, bai eta piano saioak, ilustrazioa, musika kontzertuak, Braillez idatzitako poemak, poesia irakurketak eta beste ikuskizunak ere.

Ongi etorria AEE/EIEra, Asier Maia!

Xehetasunak

Txusmi Sáezen azken eleberria eskuragarri dago jada, “Pandora” izenburua darama eta thriller poliako bizi-bizia da, genero beltzetik hurbil dagoelarik.

Gaurkoan obra honi buruz gehiago jakin nahi izan dugu, horretarako bere egilearekin eleberriari buruz eta bere ibilbide literarioari buruz solasean arituz.

Galdera – Zer nabarmenduko zenuke gehien berriki argitaratu den “Pandora” zure azken eleberritik? Zer nolako garrantzia du zure ibilbide literarioan?

Erantzuna - “Pandora” oso eleberri landua da, Errusian 2011 urtean gertatu zen haur pornografia trama erreal baten gaineko ikerketan oinarritua. Trama hau atze moduan edukiz, liburuak Ertzaintzaren polizia ikerketa lana jasotzen du protagonisten bizitzak elkartzen dituen bitartean, hortxe bertan ezkutuan zeuden eta orain argitara atera diren sexu aukera berriak planteatuz. Eleberriak musika erabiltzen du kontakizuna bideratzeko, narrazioa laguntzen duten abestien bideoak ikustea ahalbidetzen duten QR kodeekin, istorioaren soinu banda bailitzan.

“Pandora” eleberriarekin nire ibilbide literarioan nolabaiteko konplazentzia puntu batera iritsi naiz; benetan nahi dudana eginez eta irakurleek eskertzen duten moduan eginez: kontakizun bizia, azkarra, irakurtzeko erraza, sorpresaz beterikoa eta morala eta etika askotan zalantzan jarriz. Eleberri beltz, poliziako eta thrillerrean geroz eta aurrerago iristea da, mundu literarioaren baitan posizionamendu argi bat lortuz.

G - “Misión: Jaqueca” zure lehen lana plazaratu zenetik 5 urte bete berri dira. Denboraldi honen gainean eta idazle moduan zure bilakaeraren gainean zer nolako balantzea egiten duzu?

E – Oso bilakaera argia da. Nire lehen argitalpenari esker, orain inguratzen nauen munduan gutxinaka sartzen hasi nintzen: Diario de Noticias de Álava egunkarian artikuluak idazten hasi nintzen eta nire irrati saio propioarekin amaitu dut, bertan haien obrak aurkezten dituzten egile berriak elkarrizketatuz. Gasteizko Kultura Etxean Krelia-ko egileekin batera hitzaldi ziklo batean parte hartzea aurreikusten dut eta Udaleko kultura alorretik eleberri beltz eta poliziakoko tailer batzuk egiteko proposatu naute. Horretaz gain, “Kazajistán” nire obra, narratiba modalitateko 2021 Euskadi Literatura Sarietarako hautagai moduan proposatu du epaimahaiak, Eusko Jaurlaritzako Kulturaren Sustapenerako Zuzendaritzatik egindako proposamena izanik. Ez da gutxi.

G – Aurreikusten dituzun proiektuei buruz hitz egin diezagukezu?

E – Nire proiektuak gainetik aipatu ditut: agertzen zaizkidan aukerekin bizitza kulturalean modu aktiboan parte hartu, bai eta nire irratsaioarekin jarraitu eta idazten jarraitu ere nola ez. Plazaratuko dudan hurrengo liburua “Moscú” izango da, Ekialdeko Trilogia itxiko duena “Siberia” eta “Kazajistán” eleberrien ondoren.

Eskerrak ematen dizkiogu Txusmi Sáezi gure galderei erantzun izanagatik eta arrakasta handia opa diogu obra honekin eta bere beste proiektuekin. 

Xehetasunak

 

Beste urte batez, Euskadiko Idazleen Elkarteak espazio propioa izango du 51BLA-n, bere bazkideen nobedadeen banaketa eta sinadurak bertan egingo direlarik.

Ekainaren 3tik 13ra Bilboko Liburu Azokaren edizio berri bat egingo da Areatzan.

Hamar egun hauetan zehar, bisitariek gure elkartea ezagutzeko aukera izango dute, bai eta gure bazkide diren egileen argitalpenak etxetxoan bertan erosteko aukera ere, erraz aurkituko dutelarik Euskadiko Idazleen Elkartearen izena toldoan idatzita edukiko baitu.

Gainera, gure bazkide diren 23 egilerekin 45 sinadura ekitaldi antolatu ditugu.

Hauek dira datak eta ordutegiak.

 

Xehetasunak

Jose María Lizundia

Pilar Llovesi  Euskadiko Idazleen Elkartera ongietorria eman diogu.

Galiziarra, San Lorenzo de Piñoren (Ourense) sortua eta gasteiztarra bizilekuz txikitatik, Grafologia eta Kaligrafia Trebezian Diplomaduna da eta Osakidetzan egiten du lan psikiatria alorrean.

Bere eskutara iritsi zen istorio txundigarri bat kontatzeko beharrak eta nahiak eraman zuten idazketan murgiltzera. Bertatik jaio zen bere lehen eleberria, "Guarda mi secreto", gaur egun bere 7. edizioan dagoelarik eta “Gente de Arte” Elkarte Kulturalaren saria jasoz eleberri honek.

Bere bigarren eleberriak, "Desnudando los silencios" izenburuarekin, bere hirugarren edizioa plazaratu berri du ( bideo honetan obra honen zati txiki bat entzun dezakezu bere egileak irakurria).

Gaur egun, Pilarrek bere hirugarren eleberria prestatzen dihardu, datorren udan plazaratuko duelarik.

Ongietorria emateko berri hau aprobetxatuz, bihar, maiatzak 28, 17:30etan Pilar Llovesek Nanclares de Ocako Gizarte Etxean hitzaldi-solasaldia egingo duela iragartzen dizuegu, LANTARTEA Emakumeen Elkarteak  babesarekin.

Ongi etorria AEE/EIEra, Pilar!

Xehetasunak

Gaurkoan  Iñaki Sainz de Murietarekin hitz egin dugu. Idazle gipuzkoarra “Kanideren abenturak” gazteentzako bildumaren eta "El ocaso mexica - Moctezuma Xocoyotzin" komikiaren egilea da besteak beste, horiek guztiak Miguel Berzosa ilustratzailearekin batera eginak, eta gaurkoan murgildurik dabilen hamaika proiektuei gainbegirada eman diogu.

Antologia solidarioak, nazioarteko sari bateko epaimahaikidea, haurrentzako literatura, komikia, proiektu antropologikoak, obra berriak... kolaborazio eta konpromiso sozial hein handia duen jarduera frenetikoa, azken finean.

Jarraian doakizuen elkarrizketa honetan jarduera hauei guztiei buruz hitz egin nahi izan dugu Iñakirekin. Aldez aurretik, eskerrak eman nahi dizkiogu gure galderei erantzuteagatik eta garatzen ari dituen proiektu guztientzako gure desiorik onenak opa dizkiogu.