Xehetasunak


Eleberria, Gasteizko hiria eszenatoki duen suspense eta malenkonia istorio bat da

Datorren apirilaren 18an, asteazkenarekin, 19:30etan Bilboko Cámara Liburu dendan (Euskalduna kalea, 6), Daniel Gonzálezek En el fondo del vaso (Caligrama 2017) bere liburua aurkeztuko du, bere lehen eleberria eta XI Valentín García Yebra Idazle Gazteentzako Eleberri Laburraren Lehiaketa Nazionalaren finalista izan zena. Egilea Txuskank Coterónekin egongo da, Kazetarien Euskal Elkargoko dekanoa eta Kazetarien Euskal Elkarteko presidentea.

En el fondo del vaso eleberria Rubén Aldayren istorioa kontatzen du, iraganean arrakasta izan zuen idazlea eta oroitzapen horrekin bizi dena alkoholak lagunduta, gaur egungo hutsunea betetzen laguntzen baitio. Ahazteko arratsaldero doan tabernara begirada tristedun neska bat doa eta, gutxinaka gutxinaka bera idolatratzen amaituko du, hura bere salbazio bakarra dela pentsatu arte.

Xehetasunak


Idazle donostiarra POETIKAn parte hartuko duten zazpi poetetako bat da

Datorren ostiralean, apirilak 13, Eli Tolaretxipiren txanda izango da POETIKAn, euskarazko eta gaztelerazko poesia errezitalen hileroko zikloan alegia. Ekitaldi hau Gipuzkoako Foru Aldundiak antolatzen du pasa den hilabetetik eta Koldo Mitxelena Kulturgunean (Donostia) egingo da azarora arte (uztailean eta abuztuan ezik). Ekitaldia 19:30etan hasiko da.

Tolaretxipik gazteleraz irakurriko ditu bere bertsoak eta gonbidatutako gainontzeko poetak bezala, literatura kritiko eta aditu batek lagunduko du, honek bere obra poetikoaren ezaugarri nagusien kritika labur bat eginez. Musikeneko musikari gazteek hainbat pieza joko dituzte errezitalean zehar.

Xehetasunak

 
Luisa Etxenike: «Belaunaldi berriei terrorismoaren oroimena kontatzeko eta ez isiltzeko ardura dugu»

Arratsalde honetan, 20:30tik aurrera, Luisa Etxenike ‘Un café cargado de lectura’ zikloan egongo da, Malagako Diputazioko ‘Centro del 27’-k antolatua ‘Aula de cultura Sur’-en laguntzarekin.

Idazle donostiarrak Absoluta presencia (Ediciones el Gallo de Oro), aurki liburu dendetara iritsiko den bere azken eleberriari buruz mintzatuko da. Bertan El ángulo ciego (Bruguera, 2008) eleberrian jorratu zuen indarkeria terroristaren gaiari heltzen dio berriro. Honako honetan hiru bizi istorio elkartzen dira: Luc-ena, denak izutzen zuen haurra, beldurrik gabeko gizon bilakatzeko borrokan dabilena; Andrés-ena, mehatxu terrorista dela eta erbestera joandakoa; eta Adarena, iragan tragiko baten herentzia, indiferentzia eta ahaztearen aurkako konpromiso artistiko bilakatu duen argazkilari gaztea. Estilo garbi, zuzen, eta hala ere sutsuarekin, bere idazteko moduaren adierazgarri dena alegia, Etxenikek begiradak eta bide susmagaitzak proposatzen dizkie bere protagonistei eta irakurleari.

Xehetasunak


Honako honetan Kanide lehen aldiz bere aiton amonekin elkartuko da    

Kanideren abenturak bildumari ale berri bat gehituko zaio, Zaldien kobazuloa, Suaren zeremonia eta Balearen begirada ipuinen ondoren. Laugarren liburuak Tribua handitzen doa darama izenburu moduan eta aurrekoak bezala Verbum Argitaletxearen haur katalogoan aurkitu daiteke.

Xehetasunak

 
Asteazkenean idazketa tailer bat emango du eta ostegunean La ofrenda aurkeztuko du

María Eugenia Salaverri Euskadiko Idazleen Elkarteko (AEE/EIE) presidenteak zuzentzen eta koordinatzen dituen ‘Aurrez Aurre’ literatura elkarrizketetan Gustavo Martín Garzo izango da protagonista. Datorren ostegunean, martxoak 22, La ofrenda (Galaxia Gutenberg) aurkeztuko du Bilboko Azkuna Zentroa-La Alhóndigan.

Etzi, Valladolideko idazleak (Narratiba Sari Nazionala eta Nadal Saria, besteak beste) tailer bat emango du ‘La realidad y la sombra’ izenburupean.

Bi ekitaldiak 19:00etan daude programaturik.