Xehetasunak

AEE/EIE-ek irailaren 19an Bilbon antolaturiko ‘Egilea argitalpen mundu berrian’ 2. Jardunaldia, ‘Vivlios’ start up-aren sortzaile Gabriel Pena y Ballestéren hitzaldiarekin amaitu zen.

Bertaratu zirenei mundu digital berrian ikusgarritasuna lortzeko oinarriak ezagutzera emateko tailerra garatu zuen Gabrielek. Bere hitzaldian ziurtatu zuenez “jendeak zu irakurtzeko, zu ikustea lortu behar duzu”. Kanal analogikoetatik “egileen %1ak bakarrik eman dezake aditzera bere obra” nabarmendu zuen ere, bai eta azpimarratu “iritsi nahi den jendea identifikatzearen garrantzia, interesatzen ez bazaie, ez baita posible haiek konbentzitzea”.

Bideo honetan hitzaldi guztia jarraitu daiteke.

 

Xehetasunak

Blanca Rosa Roca (Roca Editorialeko Zuzendari eta Fundatzaile), Fernando Marías (Idazlea) eta José Luis Remírezen (‘¿Qué libro leo?’-ko Zuzendari) arteko elkarrizketa izan zen AEE/EIE-ek irailaren 19an Bilbon antolaturiko ‘Egilea argitalpen mundu berrian’ 2. Jardunaldiaren beste ekitaldietako bat.

Beatriz Celayak (Biografías Personales-eko Zuzendaria) moderatzaile lanak egin zituen hiruko hitzaldi honetan, non argitaletxeek egun bilatzen dutenaren, autoedizioaren gorakadaren, literatura agente bat edukitzearen beharraren edo José Luis Ramírezek ziurtatu zuen moduan “irakurle baino egile gehiago dituen herri bat bilakatzeko arriskuaren” inguruan mintzatu ziren.

Bideo honetan hitzaldi guztia jarraitu daiteke.

 

Xehetasunak

Sira Coll, Ediciones Grupo Planetako Deusto eta Península Ediciones-eko komunikazio arduradunak eta Iñaki Esteban, El Correoko kazetaria, idazlea eta Gutun Zuria-ko fundatzaile eta aholkulariak, buruz burukoa egin zuten AEE/EIE-k antolaturik irailaren 19an Bilbon egin zen ‘Egilea argitalpen mundo berrian’ jardunaldiaren baitan. Ekitaldia Pedro Ugarte idazleak moderatu zuen.

‘Promozioaren oinarrizko printzipioak’ debate honen izenburua izan zen eta bertan Sira Collek “Internet aroan, denok garela kritikoak eta literatura emaleak” nabarmendu zuen. Sare sozial eta literatura blogen balioa goraipatu zuen, argitaletxeentzako beharrezkoak direla esanez eta ongi erabiltzen dituzten egileei argitaletxeek ‘premium’ trataera ematen dietela.

Iñaki Estebanez esan zuenez “literatura kritikoa bata edo besteari onura ematen ari denaren susmoa igartzen zaio”. Argitaletxeei dagokienez, liburu promozioetarako hiri hierarkia bat ezarri dutela esan zuen, non Bilbo maila baxuan dagoen.

Bideo honetan hitzaldi guztia jarraitu daiteke.

 

Xehetasunak

Imano Agotek (Kultura, Gaztedi eta Kirol Sailburuordea. Eusko Jaurlaritza) eta Elisa Yustek (kultura eta irakurketa aholkularia) hitzaldi honetan parte hartu zuten irailaren 19an Bilbon egin zen AEE/EIE-ak antolaturiko ‘Egilea argitalpen mundu berrian’ 2. Jardunaldiaren baitan. Imanol Agotek liburutegiek bizitzen ari dituzten baldintza berriak nabarmendu zituen, bildumatik konexiora pasa baitira, eta aro digital honetan erronka bat bota zuen: “liburutegi publikoak eskola liburutegiekin estuago lotu”. Elisa Yustek azpimarratu zuenez, “autoargitaratuek etorkizuna dute, ezagutzera ematen dituzten irakurketa klubak dituzten liburutegietan”. Bai eta gaineratu garrantzitsua dela liburutegizainek leihatilaren beste aldean daudenei, erabiltzaile batek merezi duten trataera ematen hastea.

Bideo honetan hitzaldi guztia jarraitu daiteke.

 

Xehetasunak

Irailaren 19an Bilbon egin zen AEE/EIE-k antolaturiko ‘Egilea argitalpen mundu berrian’ Jardunaldia ‘Non gaude eta norantz doa argitalpen sektorea’ hitzaldiarekin hasi zen. Santos Palazzi, Grupo Planetako sail digitaleko zuzendaria eta Javier Celaya, Dosdoce.com-eko fundatzailea argitalpen sektorearen oraina eta etorkizunaren inguruan mintzatu ziren.

Santos Palazzik argitalpen taldeen kontzentrazioaren aldeko apustua egin zuen, argitalpen apustu handietara iristeko aukera izatek eskala ekonomia edukitzeko. Argitaletxe txiki eta ertainei ere zuzendu zitzaien esanez haien argitalpen ildoak oso argi eduki behar dituztela, bai eta azpimarratu autoedizioan jarri beharreko arreta aparta.

Javier Celayak gaur egun gauden itzulirik gabeko puntua nabarmendu zuen: “promozioan ez gara atzera itzuliko, ez salmentan ez edukietan”, esan zuen, sektore guztia birsortzera animatuz, aro digitalean jasangarriak diren negozio eredu berriak bilatuz eta idazleei esanez kontatzeko modu berri dinamikoago eta elkarreragileagoak asmatzeko.

Bideo honetan hitzaldi guztia jarraitu daiteke.