Xehetasunak


Istorioa benetako gertaeretan oinarritzen da eta itsasoa du ardatz

La Castañera eleberriaren arrakastaren ondoren, Alaitz Arrutik Las cuatro esquinas de mi pasado eleberriarekin irakurleak harrituko ditu, benetako gertaeretan oinarritzen den eleberria alegia, eta iraganak batzuetan pertsona baten existentziaren bilakaeran izan dezakeen pisuari buruz hitz egiten du. Si tuvieses la oportunidad de mirar frente a frente a tu pasado, ¿qué le dirías? da obra honen azpititulua eta datorren martxoaren 4an egongo da salgai.

Xehetasunak

 

Idazle katalanak gizartearen hipokresiarekin bizi izan den belaunaldi baten psikologian sakontzen du


Bihar asteartez, otsailak 21, 19:00etatik aurrera, Bilboko Azkuna Zentroa-La Alhóndigan, ‘Aurrez Aurre’ berri bat egingo da, liburuei eta irakurketari eskainitako espazioa eta orain dela sei urte baino gehiagotik hona María Eugenia Salaverri Euskadiko Idazleen Elkarteko (AEE/EIE) lehendakariak moderatzen eta zuzentzen duena.

Oraingo honetan Care Santos egongo da (Mataró, 1970), bere azken lana aurkezteko, Media vida, eta zeinarekin 2017ko Nadal Saria jaso duen.

Xehetasunak


Protagonisten emozioekin identifikazioak irakurlea uneoro laguna aldean duela sentitzea eragiten du

Bilboko Mendizale Elkartearen egoitzan (Iturribide, 80), izango da datorren martxoaren 16an, 19:30etan, Senderos del alma Ana Francia Iturregiren eleberriaren aurkezpena. Idazleak Galo Bilbao edukiko du lagun, Deustuko Unibertsitateko Etika irakaslea alegia. Testuen irakurketa José María Plazaren esku egongo da, Bizkaiko Elkarte Artistikoko rapsoda.

Xehetasunak


Ipuin didaktiko bilduma hau irakurle gazteenei zuzendurik dago

Datorren otsailaren 21ean, asteartez, 18:30etatik aurrera, Gipuzkoako Elkar liburu dendan (Fermín Calbetón 21, Donostia) bildumako bi ipuin aurkeztuko dira; Zaldien kobazuloa eta Suaren zeremonia. Bi izenburuak Kanideren abenturak bildumako lehen bi aleak dira. Haur eta gazteentzako ipuin bilduma honen helburua Aurrehistoria modu erraz eta atsegin batean azaltzea da, bere protagonistaren figuraren bidez, Kanide txikia alegia. 

Miguel Berzosaren marrazkiak ditu eta Iñaki Sainz de Murieta da idazlea, azken hau aurkezpen ekitaldira ezin izango delarik joan gaixotasuna dela eta. Bi egileek irakurle gazteenak entretenitzeaz gain balore unibertsaletan heztea dute helburu.

Xehetasunak


Bere hurrengo eleberria mezenasgo kanpaina bati esker argitaratuko da 

Fernando García Pañeda, idazle bilbotarrak Agonía y esperanza argitaratuko du aurki. Hau da bere eleberriaren azken izenburua non egileak Jane Austen idazlearen Persuasión eleberriaren argumentuari heltzen dion, fokatze maskulino bat emanez. Modu honetan eleberrigile britainiarra omentzen du bere heriotzaren bigarren mendeurrenean.

Eleberria Tandaia argitaletxearen katalogoan aurkituko da, talentu berrien alde egiteko crowdfunding formula erabiltzen duen argitaletxe gaztea eta irakurlea obraren ekoizte prozesuaren baitan funtsezko zati moduan duena. Martxan jarritako kanpainari buruzko informazio guztia hemen ikus daiteke.