Xehetasunak

Dory Lansorena  idazleari Elkartera ongietorria emateko ere ibilbide literarioari gainbegirada bat emango diogu.

Portugaleten (Bizkaia) jaiotako idazle eta poeta polifazetiko honek bi olerki bilduma argitaratu ditu ("Laberinto de Pasiones" eta "Soñador de Nubes"), bai eta haurrentzako bi ipuin ere ("El viaje de Luna a Mundoletras -un lugar lleno de magia–" eta "Mikel & Jon y La Búsqueda de Faylinn").

Bere olerki bilduma eta ipuinez gain, Dory Lansorena hainbat antologiatarako aukeratu dute eta literatura lehiaketa ezberdinetan sariak irabazi ditu ere. Horien artean, Madrileko kale bateko oinezkoentzako pasabide bat apaintzen duen bertsoetako bat berea dela azpimarratu dezakegu, Madrilgo Udalak eta Boa Misturak antolatutako “Versos al paso” lehiaketari esker.

Doryk "El refugio de Calíope" programa zuzendu eta aurkezten du DK Irratian (Donostia Kultura Irratia).

Ekitaldi poetiko-musikaletan parte hartzen du ere, horietako batzuk Versodia izenpean antolatuz.

Xehetasunak

Gemma Herrero Virtoren azken obra salmentan dago jada, "Reflejo Mortal".

Caronte saila eleberri poliziako berri honekin jarraitzen du, Madrilgo hirian lehergailuak jartzen ari dituen serieko hiltzaile bat harrapatzeko ikerketari helduz.

Obra Caronte sailaren baitan egon arren, modu independentean irakur daiteke, aurreko liburuak bezalaxe, liburu bakoitzak ireki eta ixten den kasu bana jorratzen baitu.

Gemma Herrero Virtok berak aitortu duenez zirrara betean dago liburu berri honekin, sail honetako pertsonaiek irakurle askorengan pizten duten ikusmin eta maitasunagatik.  

Xehetasunak

Guadalajarako Nazioarteko Liburuaren Azokak (FIL) eta Hay Festival of Literature and the Arts-ek  2020ko Komunikazio eta Humanitateen Asturiaseko Pintzesa saria jaso dute.

Epaimahaiak ekitaldi haien balioa, eragina eta proiekzioa balioetsi ditu. Biek “liburuaren, idazleen, irakurleen eta kulturaren mundu mailako topagune garrantzitsuenak ordezkatzen dituztela” nabarmendu du, “literaturaren inguruan publikorik anitzenak elkartuz”, “haien artean irakurketaren ohitura sustatuz” eta “kulturaren industriak sendotzeko eta horiek jasangarri bihurtzeko modu erabakiorrean bultzatuz”.

AEE/EIEtik sari hau ospatu nahi dugu, une  hauetan bereziki, bai eta munduko bi kultura ekitaldi nagusietako ekipoak zoriondu ere, haiekin lankidetzan aritzeko plazera eta ohorea eduki baitugu.

FIL-ek eta Hay Festival-ek lortu duten merezitako sari hau omentzeko  Marisol Schultzi egindako elkarrizketa partekatzen dizuegu, Guadalajarako Nazioarteko Liburu Azokako zuzendariari alegia, gure IV Egilearen Jardunaldian egon zenekoa, bai eta  Sheila Cremaschiren partaidetza, Espainian Hay Festival-en zuzendaria alegia, AEE/EIEk 2019ko Gutun Zurian, Bilboko Letren Nazioarteko Jaialdian alegia, antolatu zuen mahai ingurukoa

Zorionak Marisol eta Sheilari, bai eta hain ekitaldi aberasgarri eta zoragarri hauek posible egiten dituzten profesionalei ere!

 

Asturiaseko Printzesa Fundazioaren.web orrialde ofizialeko irudia.

 

Xehetasunak

"Entretanto, en algún lugar" aurkeztu berri da, Ángela Mallén idazlearen azken lana.

El Desvelo Ediciones argitaletxeak plazaratua, Victoria 0’May ilustratzailearen azalarekin eta gure bazkide ere den Julia Otxoa idazlearen hitzaurrearekin, bere egilearen hitzetan, honakoa “ipuin (edo ez hain ipuin) liburu bat da,horietako batzuk txikiak eta bihurriak eta besteak jada helduak direlarik”. “Entretanto, en algún lugar” liburua datorren ekainaren 15ean jarriko da salmentan, hala ere liburu-dendetan eta El Desvelo Ediciones argitaletxearen web orrialdean erreserbatu daiteke jada.   

Xehetasunak

Juan Miguel Idiazabal Idazlearen “Mateando con Mao” obran sakonduko gara

Egileak Txinan 7 hilabetez bizitako esperientziei buruzko poesia sozial garaikidea jorratzen duen liburua da.

Egileak berak liburu honen gaineko bere sentsazio eta sentipenak azaltzen dizkigu, idazle argentinarrak hain herrialde erakargarri bezain ezezagun horren gainean duen ikuspuntu ezin pertsonalagoa erakutsiz.