Xehetasunak

 Pablo González de Langarikari agurra egingo zaio bere senitarteko, lagun eta irakurleekin ostiral honetan, apirilak 8, 13:00etan Derioko hilerriko “Oroimenaren Basoan”.

Zurgai aldizkariaren zuzendari eta nazio mailako eta nazioarteko sari ugariren irabazle den idazle bilbotarra pasa den martxoaren 17an zendu zen.

Bere lanek ospe handia lortu zuten, hala nola ‘Bahia Saria’ 1975ean edo ‘Imagínate Euskadi Saria’ hirutan irabaziz. Juan Larrea, Blas Otero edo Miguel Unamuno idazle entzutetsuen eraginpean, bere estilo sortzaile eta irudimentsu propioa baina aldi berean konplexua sortu zuen.

Bere senitartekoek ekitaldi zibiko irekira gonbidatzen dute hura gogoratzera joan nahi duen orori.

Xehetasunak

Euskadiko Idazleen Elkarteak, Espainian, Portugalen eta Ekialde Hurbilean Google Play Books-en zuzendari Luis Collado egongo dela iragarri du, datorren irailaren 16ean.

Jada liburuaren sektorearentzako eztabaida eta elkartzeko erreferentzia den jardunaldia, nazioarteko lehen mailako hizlari zerrenda ixteko ari da lanean.

Bilbo, 2016/4/4

Euskadiko Idazleen Elkarteak (AEE/EIE) ‘Egilea argitalpen mundu berrian’ III Jardunaldian Googleren argitalpen negozioko nagusia egongo dela iragarri du, datorren irailaren 16ean Bilbon. Luis Collado, Espainian, Portugalen eta Ekialde Hurbilean Google Play Books-eko zuzendaria Azkuna Zentroa-La Alhóndigan egongo da, inguru teknologiko eta tematiko berrian liburu-denden etorkizunari buruzko bere ikuspegia emateko.

Collado iragarri den lehen hizlaria da, ‘Etorkizuneko liburu-dendak, non erosiko dugu eta non irakurriko dugu?’ izenburupean egingo den mahaingururako, gainontzeko hizlariak iragartzeko zorian daudelarik.

Jardunaldiaren hirugarren edizio honetarako, liburuaren munduan joera berrien behatoki moduan urtez urte finkatu den hausnarketa kultural eta teknologikorako foro honetan alegia, AEE/EIE-k nazioarteko profila altxatzeko erronkari ekin dio. Jardunaldiak Eusko Jaurlaritzako Kultura Sailaren babesa du.

Ildo horretan, orain aste batzuk, jardunaldiaren inauguraketa hizlariaren izena iragarri zen, Michael Bhaskar alegia, edizio digitalean mundu mailan dagoen aditu handienetako bat. Ospe handieneko nazioarteko zitetan ohikoa den ikerlari britainiarra Espainiara datorren lehen aldia izango da.

Ibilbide profesionala

Googleko zuzendari Luis Collado berriz, argitalpen munduan 15 urte baino gehiagoz egindako lana ekarriko du bere hizketaldira. Googlen sartu aurretik, Colladok Pearson Educación-en egin zuen lan Unibertsitate eta Lanbide Saileko zuzendari nagusi izanik, ondoren McGraw-Hill Espainiako Promozio eta Marketing zuzendari izendatuz.

Google Play Books-en bere lanaren helburua, Internetera Espainian egiten den mota guztietako argitalpen edukien ekoizpena sartzea da, horrela komunikabide berri honetan ikusgarritasun maximoa emanez.

 

JARDUNALDIA — 3a edizioa

Izenburua: Egilea argitalpen mundu berrian

Tokia: Azkuna Zentroa-La Alhóndiga (Arriquibar plaza, 4. 48010 Bilbo)
Eguna: 2016ko irailak 16

 

ASOCIACIÓN DE ESCRITORES DE EUSKADI-EUSKADIKO IDAZLEEN ELKARTEA (AEE/EIE), INTERNETEN

http://www.escritoresdeeuskadi.com/

http://www.facebook.com/Escritores.de.Euskadi

http://twitter.com/AEEEIE

 

 

Xehetasunak

Abel Amutxategi bilbotarra, Terry Pratchett eta Tom Sarperen erdibidean dagoen humore eleberri berri batekin dator.

‘Berbontzi’ (erein 2014) argitaratu eta urte eta erdira, Abel Amutxategi bilbotarra ‘Su muerte, gracias’ liburuarekin itzuli da: humore heldu eleberri bat, estiloan Terry Pratchett eta Tom Sharperen erdibidean dagoelarik.

Porrot egindako suizidio saltzaile bat, bere haserrea kontrolatzeko arazoak dituen agure bat eta entrenatu gabe dagoen Heriotza dira bere osagaietako batzuk.

“Humoreak kritika laguntzen duen atzerriratze maila bat ematen du. Gezur itxura horretatik, norberak askatasun osoa du inguratzen duen munduaren aurka eraispen bolak jaurtitzeko”.

Premisa honi jarraiki, Abel Amutxategik ez du eltzean babarik uzten, molde berriko lanbideetatik (aholkulariren bat aretoan?), alderdi politikoetaraino, inor ez da bere kritikatik salbu.

Baina ezeren gainetik heriotzari egiten dio barre. “Humorea oso erabilgarria da emozio gatazkak konpontzerako orduan”, azaltzen du. “Heriotza tabu bilakatu duen gizarte batean bizi gara. Berrietan agertzen den zerbait, baina hurbilekoa bezala sentitzen inoiz uzten ez digutena. Horregatik erabaki dut hari buruz humorearen bitartez hitz egitea”.

Eleberria paper eta formatu elektronikoan argitaratu da, eta ohiko bideetatik zein argitaletxearen web orrialdean bertan lor daiteke: http://www.libros.com/comprar/su-muerte-gracias

Xehetasunak

 

Ikerlari britainiarrak bere presentzia konfirmatu berri du AEE/EIE-k datorren irailaren 16ean antolatu duen egilearen III Jardunaldiaren inaugurazio hitzaldian

‘La maquina de contenido’ bere liburu berria, liburuentzako, komunikabideentzako eta sorkuntza industrientzako panorama teknologiko berriaren funtzionamenduaren ‘biblia’ moduan hartzen da.

Argitalpen sektorean hausnarketarako elkar-puntu moduan finkatua, jardunaldiak nazioarteko profil handiagoa aurkeztuko du bere hirugarren edizioan, Bilbon.

Euskadiko Idazleen Elkarteak (AEE/EIE) gaur iragarri duenez, argitalpen digitalean munduko aditu handienetako batek, Michael Bhaskar alegia, “Egilea argitalpen mundu berrian” III Jardunaldiko inaugurazio hitzaldia egingo du, datorren irailaren 16ean Bilbon egingo delarik. Ikerlari britainiarra, ospe handieneko nazioarteko hitzorduetan ohikoa dena, Espainian egiten duen lehen aldia izango da. 

Eusko Jaurlaritzako Kultura Sailaren laguntzarekin, AEE/EIE-k literatura egileari buruzko bere urteroko jardunaldiaren hirugarren edizioaren xehetasunak zehazten hasi da jada, liburuaren munduan dauden joera berrien behatoki moduan urtez urte finkatu den kultura eta teknologiaren gaineko hausnarketa foroa  alegia.

Michael Bhaskaren hitzaldia, argitalpen industrian Internetek eta teknologiek inauguratu duten aro berrian teoriko garrantzitsuenetako bat bezala nabarmendu den dibulgatzaile, intelektual eta idazlea Bilbora ekartzeko aukera izango da. ‘La maquina de contenido’ bere liburua, iaz Espainian Fonfo de Cultura Económica argitaletxeak argitaratua, liburuentzako, komunikabideentzako eta sorkuntza industrientzako panorama teknologiko berriaren funtzionamenduaren erreferentziazko eskuliburutzat jotzen da.

Bhaskarrek Azkuna Zentroa-La Alhóndigan irekiko du jardunaldia ‘Argitaratzeko modu berrien eta  irakurketa eraldatzen ari duten indar ekonomiko eta sozialen analisia” izenburua duen ponentzia batekin. Bertan, liburuak eta irakurketak esperimentatzen ari dituen aldaketa sakonei buruz espainiar argitalpen zirkulu askotan nagusi den ohiko pesimismotik urrun dagoen ikuspegia azalduko du.

Aurki, Euskadiko Idazleen Elkarteak konfirmatzeko prest dauden ponente berrien izenak emango ditu aditzera, jardunaldiari nazioarteko itxura emateko ildoan jarraituz. Doako jardunaldia denez, baina toki mugatuarekin, etortzeko interesa duenari aurre-izen emateko gonbita luzatzen dio AEE/EIE-k, hurrengo helbidera e-posta bidaliz:  Esta dirección de correo electrónico está protegida contra spambots. Usted necesita tener Javascript activado para poder verla.

 

Xehetasunak

Ostegunean martxoak 17, 19:00etan Azkuna Zentroan (Bilboko Alondegi Kultura Zentroa) Federico Axat idazle argentinarraren “La última salida” eleberria aurkeztuko da.

Egileak Maria Eugenia Salaverrik moderatzen dituen solasaldietan parte hartuko du, hilabetero Azkuna Zentroan egiten direnak, literatura berritasunak haien egileen eskutik jendarteari hurbiltzeko.

“La ultima salida” obran, Axaten aurrezko eleberrietan bezala, suspensea, biraketa narratibo harrigarriak eta ustekabeko amaiera dira nagusi. Baina obra honekin egileak hainbesteko interesa eragin du, “La última salida” liburuak nazioarteko salmenta arrakasta eragiten ari duela eta zinemara eramango dute aurki Hollywoodeko ekoizpen handi batean.