Xehetasunak


III Egilearen Jardunaldian programatutako mahainguru baten moderatzailea izango da.

Antonio de Marco ebooken kudeaketa eta promozioan estatuko aditurik handienetakoa da. Azkuna Zentroa-La Alhóndigan egongo da datorren irailaren 16an III Egilearen Jardunaldian parte hartzeko. Bertan, plataforma digitalen, zehazki Amazonen, mundu lehiakorrean liburuen promozio kanpaina arrakastatsura daramaten gakoak zeintzuk diren argituko ditu. De Marcok ‘Edizioaren mundura sarbide ezberdinak’ mahaingurua moderatuko du eta Alicia Gonzalez Sterling (Bookbank), Francisco Javier Irazoki eta Fernando Tarancón (Astiberri)  argitaratzaileak hartuko dute parte, 16:00etatik aurrera.

Xehetasunak

Wischenbart en Readimagine16

Rüdiger Wischenbarten parte hartzea III Eduki Digital Banatzaileen Topaketaren baitan izango da, Readmagine-en testuinguruan, Irakurketaren, Liburuen eta Liburutegien Berrikuntza Digitalaren Astea baita.

Esandako topaketaren edizio honetan Rüdiger Wischenbarten presentzia nabarmenetako bat da. Bere parte hartzean, liburu elektronikoek herrialde ezberdinetan duten banaketa joerei buruzko datuak eman ditu. Global eBook Reporten egilea da bera, liburu elektronikoaren industria globalari buruz liburuaren balio kateko kide guztientzako nahitaezkoa den urteroko txostena. 2016ko edizioa pasa den apirilean aurkeztu zen Londreseko Liburu Azokan eta hemen deskargatu daiteke. Bere gaztelerazko bertsioa ‘Egilea argitalpen mundu berrian’ III Egileraren Jardunaldian aurkeztuko da, datorren irailaren 16an Bilbon. Orain egun batzuk iragarri genuen moduan, Wischenbart hizlarietako bat izanen da.

Xehetasunak

Bere poesia, beste edukien batzuen artean, zabaltzeko erabiliko duen online plataforma izango da

Iruñean finkaturiko eta AEE/EIEren bazkide den egile donostiarrak web orrialde bat inauguratu du bere ibilbide guztia kontsultatzeko eta bere literatura lana ezagutu ahal izateko. Bere site berria (www.fatimafrutos.com) eta bere Twitter kontu ofiziala (@fatimafrutos) dira Fátima Frutosek bere lana interneten bultzatzeko erabiliko dituen funtsezko kanalak, bai eta beste egile nafar, euskaldun eta espainiarrena ere.

Xehetasunak


2015 Nadal Sariaren finalistetako bat izan zen        

Datorren ostegunean ekainak 9, 19:30 etatik aurrera, Iñaki Martínezen La ciudad de la mentira lanaren aurkezpena izango da Bidebarrietako Liburutegi Zentralean (Bidebarrieta Kalea, 4 Bilbo). Bilboko Liburu Azokaren antolakuntzak programaturiko ekitaldien baitan dago ekitaldia. Guatemalar jatorria duen egile euskaldunak Eugenia Salaverri Euskadiko Idazleen Elkarteko presidentea izango du lagun. La ciudad de la mentira Destino argitaletxeak argitaratu du eta eleberri honekin Iñaki Martínez Nadal Sariaren sei finalistetako bat izan zen iaz.

Garaiari buruzko dokumentazio historiko lan zorrotzaren ondoren eta 30 hamarkadako azken urteetan Tángeren kosmopolitismoak liluraturik, Martínezek hainbat istorio gurutzatu sortzen ditu espiak, botere aliantzak eta nahitaezko klima belikoa gailenduz.

Hiria eleberriaren protagonista bat gehiago da, irakurleak Casablanca-ri keinuak igarriko diziolarik. Michael Curtizek zuzendutako film mitikoan bezala, amodioak ere bere lekua dauka Iñaki Martínezen eleberrian, Boston eta Oñate bezalako toki hain ezberdinetako jatorria duten bi pertsonaien istorioa kontatzen baitu.

Xehetasunak


Idazle, gidoilari eta zinema zuzendaria bere irakurleekin elkartuko da ere Madrilgo Liburu Azokan

Eva desnuda (Edaf, 2006), Violetas para Olivia (Mnez. Roca, 2011), Lo que tengo que contarte (Lumen, 2015) liburuen ondoren, egile nafarrak irakurleak harritu ditu Los abrazos oscuros eleberriarekin, familia bizitza eta bere oinarri eztabaidagarrien suntsitzeari buruzko eleberria alegia. Bere aurreko lanak bezala, laugarren lan honek Lumen katalogoaren parte da eta arratsalde honetan 18:30etatik aurrera aurkeztuko da Donostiako Elkar liburu dendan (Fermin Kalbeton Kalea 21). Roberto Herrero kazetari eta dramagilea izango du lagun.

Datorren asteazkenean ekainak 8, ordu berean, irakurleekin hitzordua Bilbon izango da. Orduan Beatriz Celaya kazetari, idazle eta itzultzailea izango du Julia Montejok lagun Los abrazos oscuros eleberriaren aurkezkenean Bilboko Elkar liburu dendan (Poza Lizentziatua Kalea 14).