Xehetasunak

Urtarrilaren 28an, ostegunez, 19:00etan Azkuna Zentroan (Bilboko Alhóndiga Kultura Zentroa), ‘Farándula’ aurkeztuko da, azken Herralde Eleberri Sariaren irabazlea. Bere egile Marta Sanzek, hilabetero Bastida Aretoan Maria Eugenia Salaverrik jendarteari literatura nobedadeak bere egileen eskutik hurbiltzeko moderatzen dituen literatura elkarrizketetan parte hartuko du.

'Farándula' eleberriak kriseiluen argiaren alde batean eta bestean gertatzen diren istorioak erritmo bizian kontatzen ditu, egungo kulturaren balio galtze gero eta handiagoa begirada ironiko eta garratzarekin zuzenduz.

Xehetasunak

Urtarrilaren 30ean, larunbatez, Tarima Beltza antzerki konpainiak ‘Falstaff no cree en la otra vida’ obraren berriz ematea estreinatuko du, Javier Gil Diez-Condek 1989ko Francisco de Avellaneda antzerki saria irabazi zuena alegia. Emankizuna Iortia Kultura Etxean izango da, frontoi zeharbidea z/g, Altsasu (Nafarroa). Bi emanaldi egongo dira, 20:00etan eta 22:00etan.

‘Falstaff no cree en la otra vida’ bere egilearen arabera “Inauterian inspiraturiko fartsa groteskoa da, hiru gaiei buruzko osagaietatik abiatuz: Sexua, Erlijioa eta Heriotza; bereziki azken honetan sakonduz. Gure Inauterietan gertatzen den bezalaxe, hemen heriotzari buruz era barregarrian hitz egiten da, umore beltzez, ‘heriotzaren mamua konjuratzeko’ behar baten moduan, protagonistak esaten duen moduan”.

Lanari buruzko informazio gehiago.

 

 

Xehetasunak

Datorren ostiralean, urtarrilak 22, 20,00etan Angela Sernak Burgosko Principal Antzokiko Polisón aretoan ‘Solitudine’ bere poema liburua aurkeztuko du. Idazleak Roberto Lastre idazle eta argitaratzailea edukiko du lagun. Larunbatean, urtarrilak 30 Zaragozan aurkeztuko dute liburua 19,30etan La Pantera Rossa liburu dendan. Parada horretan Angela Sernak Iñigo Linaje poetarekin egingo du aurkezpena.

Otsailaren 20ean, 19,30etan, Friasen (Burgos) Angela Serna eta Pilar Corcueraren eskutik poesia emanaldia egingo da, Pro ismo cero taldeak lagunduta. ‘Siempre Lorca: del Bronx a la Luna’.

Martxoaren 4ean, ostiralez, 19,30etan, Cámara liburu dendan, ‘Solitudine’ aurkeztuko da bai eta Iñigo Linajeren ‘Nunca más adiós’ liburua ere. Aurkezpena Blanca Sarasuak egingo du.

'Solitudine' poesia liburu bat da, non, bere egileak azaltzen duen bezala, “bidai baten modura, amodiotik, babesgabetasunetik, itxaronalditik, heriotzetik… bai eta bizitzeko ziurgabetasunaren aurrean zoriontasunaren bilaketatik ere barreiatuz eta edozein emakumeren begiradatik planteatzen da. Arintasunetik, existentziaren nahitaezko zama erakutsi nahi duen poema bilduma”.

Xehetasunak

Ostegun honetan, Javier Mina Donostian finkaturiko idazle nafarrak, 'De paseo por el San Sebastián de Luis Martín-Santos' bere liburua aurkeztuko du Walden liburu dendan (Paulino Caballero kalea 31). Aurkezpena Fátima Frutos idazleak egingo du.

Luis Martín Satos idazle donostiarrak Gipuzkoako hiriburuan utzitako oinatzak aurkitzera gobidatzen duen liburua argitaratu du Javier Minak.

‘De paseo por San Sebastián con Luis Martín Santos’, Erein argitaletxearen ‘Escenarios’ bildumaren baitan argitaratu da. Donostian bizi den idazle nafarraren liburuak, egilearen arabera “bere izena duen enparantza duen, baina Donostia osoan ‘Hemen Luis Martín-Santos egon zen’ dioen plakarik ez duen” hiri batetan zehar Martín Santosen arrastoak jarraitzen ditu.

Informazione gehiago.

Xehetasunak

Mikel Jauregik naturan aurkitutako elementuekin egindako eta helburu ezberdinekin modu anitzetan jarritako azken lanen erakusketa aurkezten du. Erakusketa irekita egongo da Vía de Fuga kafetegian, Bilboko Gordoniz kalea 5ean.

El Correok jasotzen duen moduan, erakusketa “naturan aurkitutako elementuekin, harriekin, egurrekin edo burdinekin egindako hamabi lanek osatzen dute, artea pazientzia eta trebetasun handiarekin eraldatuz. Paseoan zegoelarik, zeharkako eran kuadroan jartzen dituen Sardinian hartutako egur txiki batzuekin eta forma obalatua duen harri batekin oso arrain eskematiko eta xumea egiten du; hamabi babarrunekin, haietako bat beltza, ‘Judas’ izeneko kuadroa eraikitzen du, Badajozen ikus poesia saria bat lortu zuelarik harekin; itsasontzi kate batekin begiaundi perfektu bat lortzen du; eta aurpegian bere alabetako batek bere ezpainak markatu dituen zuhaitz hosto batekin, ‘haizearen samurtasuna izeneko emozioz beteriko poema bat egiten du”.