Xehetasunak

 
Euskadiko Nazioarteko Arkitektura Bienalaren lehen edizioaren baitan egingo da

Luisa Etxenike ‘Konposaketa iragazkorrak’ (Composiciones permeables) debatean parte hartuko du datorren azaroaren 30ean, ostegunez, arkitektura, nortasuna eta desplazamenduak gaien inguruan. 19:00etatik aurrera, Donostiako Koldo Mitxelena Kulturgunean nortasunei, espazio publikoari eta mestizajeari buruzko bi aurkezpen egingo dira. María Heras eta Ángel Verdasco arkitekturako profesionalek hartuko dute parte, Melillatik Nikaraguaraino kasu zehatzak aurkeztuz.

Xehetasunak


Filosofo eta idazle donostiarrarekin batera Jon Juaristi egon zen

Pasa den irailean Madrilgo Argitaratzaileen Elkarteak Antonio de Sancha XXI Saria eman zion Fernando Savateri «bere ibilbide pertsonal eta intelektualaren aitorpen gisa bai eta liburuaren eta kulturaren defentsagatik, hezkuntzarako eta pertsonen garapen intelektual eta etikorako ezinbesteko elementuak baitira». Atzo eman zitzaion saria Cervantes Institutuan, Jon Juaristi poeta eta historialariarekin batera egindako ekitaldia, azken honekin liburuei eta irakurketari buruz mintzatu zuelarik, besteak beste. «Liburua da giza ilusioa mugitzen duen makina bakarra», esan zuen Savaterek ekitaldian.

Xehetasunak

 

Poema bildumak, ausentzien eta presentzien ziklo moduan erakusten du bizitz

José Serna Andrések azaroaren 24ean, ostiralez, Bilboko Cámara liburu dendan, 19:30etan, Ciclo de vuelos bajos liburua aurkeztuko du, Amarantek argitaratua. Egilearekin batera Blanca Sarasua poeta eta Santiago Liberal poeta eta rapsoda egongo dira.

Ciclo de vuelos bajos liburuak, “ametsekin elikatzen den garai batean uzten dituzun ausentzien eta presentzien, argien eta galeren ziklo moduan” erakusten du bizitza, “eta musuaren ezpainek laztantzen dutenean, ez da jaio izanaz damutzen”.

Xehetasunak

 

Jo, jo, jo ostiralean aurkeztuko da Bilbon

Abel Amutxategik Bilboko Joker liburu denda aukeratu du azaroaren 24ean, ostiralez, 19:00etan Jo,jo,jo (Ediciones el Transbordador) bere eleberri laburra aurkezteko, Gabon kutsua duen testua, umorea eta fantasia nahastuz eta zonbiak ere dituena.

Xehetasunak

 
Idazle bizkaitarrak 36 poetarekin batera Litevadura atalean parte hartuko du

Ediciones Venguerén argitaletxeak Sesos y tripas, especial pan aurkeztuko du Madrilen azaroaren 18an, larunbatez, Sesos y tripas ildoan artisau-ogiari buruzko argitalpena, non osagaiak hurbilekoak eta merkeak izan behar duten eta tresneria, sukalde guztietan aurkitu daitekeena. Hitzordua Okindegi Etxearen Errege Aretoan izango da (Plaza Nagusia 27, Madril), 12:00etan.

Liburuak Estatu osoko 36 okindegi artisauetako errezeten aukeraketa bat da, beste hainbat egilek idatzitako 36 poesiarekin batera. Mertxe Mansok Litevadura atalean parte hartu du beste poeta batzuekin batera. Juan Carlos Mestre, Escandar Algeet, Viky Veiguela, Juan Leyva, Pau Riba, Julián Borao, Carlos Salem, Marta Torre-Marín, David Hoyos, Mertxe Manso, Blanca Morel, Oscar Martín Centeno, Carlos Aganzo, Nares Montero, Ángel Petisme, Rafael Soler eta Gsús Bonilla dira atal honetan idazten duten poetetako batzuk.