Pasa den asteazkenetik "La herida", Carlos Télez Sedano idazlearen azken eleberria formatu digitalean eskuragarri dago Click Ediciones etxearen eskutik, Grupo Planetaren argitaletxea alegia. 

Laurogeita hamarreko hamarkadan girotua, “La herida” eleberria hilketa baten eta hiltzailea horretara eraman duten arrazoien istorioa da. Eleberriak, musikari eta zinemari erreferentzia ugari eginez, amodioa, desengainua eta traizioa osagai dituen trama batean murgiltzen gaitu.

Carlos Télez bere egilearen arabera, “nire eleberria Click Ediciones argitaletxearekin, Grupo Planetaren zigilua alegia, argitaraturik ikustea autoargitalpenetik ateratzeko pausu handia da. Gainera, nire hurrengo lanetan hobetzen jarraitzeko eta horietan gogor lan egiteko pizgarria da ere, argitaletxe honekin urte askoz jarraitzeko ideiarekin”.

"La herida" eleberriaren sinopsia

Kondenarik handiena ez da giltzapean egotea.

Zigorrik handiena gogoratzea da.

Lehen pertsonan narratua, istorio honetako protagonista espetxe bateko aretoan aurkitzen da bere amarekin elkarrizketan dagoen bitartean. Pixkanaka menderatze, engainu eta traiziozko bizitza oso bat agertuko da, hori guztia kontakizunaren hasieran ezagutzera emango zaigun amaiera batera iritsiz, eta jakina izan arren, istorioari ez dio interesik kenduko; aurkakoa gertatuko da, bere aitorpena ezagutuko baitugu eta narratzailea amaiera horretaraino eramango duten arrazoiak ere.

Laurogeita hamarreko hamarkadan girotua eta musika zein zinema erreferentzia ugariz josia, La herida eleberriak oso premisa esnagarrian kokatuko gaitu, ondoren istorioaren magnetismoa azken esaldira arte mantenduko duten biraketetan barna garatuz eleberria.

Irakurlea izango da azken finean, zein aldetan dagoen erabakiko duena.