Krisialdietan argitaletxeek ahal den moduan saldu behar dute. Ez asmatzeak diru asko kosta dezake. Zorte-kolpeak atzean geratu ziren. Argitaletxe handiek asmatzea bilatzen dute gaur eta horretarako “Scouts literarioak” esklusiban kontratatzen dituzte, haientzako eta haien eskualdearentzako bakarrik.

Thais Pahl, Eccles Fisher Associates-en  nazioarteko esploraziorako alorreko zuzendariak honi buruz eta beste gai askori buruz hitz egingo digu Bilbon formatu digitalean zein presentzialean irailaren 10 eta 11an egingo diren 2020ko Egilearen VII Jardunaldietan zehar.

Hitzaldia

Bere hitzaldian, pandemia honen ondoren argitaratzeko liburuak aurkitzeko zein estrategiak jarraituko diren kontatuko digu Thais Pahlek, bai eta orain arte non begiratu duten eta non begiratuko duren Covid-19aren ondoren ere, eta 2021ean literatura joerak zeintzuk izango diren jorratuko du ere.

Hitzaldia streaming bidez grabatu eta emango da azpitituluekin,  AEE/EIEren Youtube kanalen bitartez. Horren ondoren txat birtual bat irekiko da, ikus-entzuleek gure gonbidatuari galderak planteatzeko aukera eskainiz. 

Aditua

Thais Pahl, Eccles Fisher Associates, Erresuma Batuan liburuen bilaketarako itzal handieneko eta maila globalean ospe handiena duen agentziaren nazioarteko esploraziorako alorreko zuzendaria da. Thais, gazteleraz eta portugesez idatzitako literaturan fikziozko eta ez-fikziozko literatura altxorrak bilatzen espezialista da. Eccles Fisher Associates agentziara 2015eko otsailean sartu zen, Brasileko Companhia das Letras-en editore moduan eta Andrew Nurnberg Associates, Erresuma Batuko literatura agentziako atzerriko eskubideen departamentuan lan egin ostean. Ingeleraz gain, portugesa eta gaztelera irakurtzen ditu ere.

Thaisek berak dioenez, bere lanak “genero guztien artean liburu interesgarriak identifikatzea eskatzen du; Eskandinabian, Alemanian, Holandan, Espainian, Latinoamerikan eta Portugalen bilatzen ditut eta, horiek aurkitu ondoren, Erresuma Batuko eta bezero diren editoreen eskubide-ekipoekin bitartekaritza lanak egiten ditut”.

Aipamena

Zorte-kolpeei agur
Thais Pahlen hitzaldia eta ondoko txat birtuala
Ostirala 2020/09/11. 12.30etatik 13.30etara.

Streaming bidezko emanaldia AEE/EIEren Youtube kanalean