Juan F. Trillo-ri ongietorria ematen diogu gure Elkartean, bienbitartean bere ibilbideari gainbegirada emanez.
Filologo eta linguista bilbotar honek komunikazio prozesuetan eta New Jourmalim-en narratiban fokatzen du bere interesa eta jarduera ikertzailea. Bere jarduera, sorkuntza literarioan, kultura arteko komunikazioan eta boterearen dinamikek prozesu hauengan duten eraginaren formetan fokatzen da ere.
Juan F. Trillok Tom Wolfe idazle iparramerikarraren obra literarioaren gaineko estudio bat argitaratu du "Tom Wolfe. Cronista de la Norteamérica sin dios" izenburupean. Idazle honen ondarea errepikaezina den une historiko baten ikono kultural izatera deiturik dago eta liburu honetan bere bizitza eta obrari gainbegirada egiten zaio. Berrogeita hamar urtetan zehar Tom Wolfek gizarte iparramerikarra disekzionatu du, bere herrialdeko nortasunaren ñabardurei buruz berri emanez eta literatura herrikoia, bere analisi soziologikorako zein hausnarketa filosofikorako ibilgailu bikaina bihurtuz. Idazketarako bere teknika pertsonala, kazetaritzako baliabide eta baliabide literarioen arteko nahasketa, bere irudia bera bezain ezagungarria den estiloa bilakatu da. Bere karreran zehar probokazioa izan da bere koska nagusia, politikoki zuzenak ziren azken joeren kontra. Horren emaitza moduan, bere defendatzaile eta aurkakoak ados daude bere arrasto literarioa bazterrezina dela diotenean.
Tom Wolferen obraren gaineko estudio horretaz gain, Juan F. Trillol olerkigintza japoniar klasikoari buruzko antologia bat argitaratu du ere. “La flor del cerezo” liburuan, Japoniako poeta hoberenek idatzitako haiku batzuen aukeraketa txiki bat jasotzen da, horietako bakoitza iruzkin txiki batekin lagunduz, eta horrekin frogatuz gure kulturak oso ezberdinak izan arren, funtsezko emozioak berberak izaten jarraitzen dutela.
Trillo musika idazle moduan ere nabarmendu da eta Muzikalia eta Tomajazz aldizkarietako ohiko kolaboratzailea da. Horrela, gaur egun lanean dabilen bere hurrengo obrak gai horiek jorratzen ditu: XX mendearen bigarren erdiko iparramerikar jazz musikari nabarmenen gainbegirada, Jazz Cats izenburupean.