Sinopsia

Moctezuma Xocoyotzin aukeratu zuen historiak, eta ez beste inor, inperio mexika bere kolapsatzeraino gobernatzeko, Hernán Cortésen etorrerarekin eta ondoren sistema politikoaren gainbeherarekin. Bere gobernualdian zehar erreforma berritzaileak ezarri ziren, herri mexikaren boterea finkatu zen eta lehen aldiz tenochcen ordena erlijioso eta militarra mehatxupean egon zen egoera leheneratzea lortu zuen, hori guztia Quetzalcoatl jainkoaren ustezko etorrera zela eta. Hala ere, espainiarra izan da azteka izan ordez orain arteko literaturaren subjektu eta objektu, orain, azkenean, egoera horri buelta eman zaiolarik. Gure protagonistaren begien bitartez herri mexikaren eta bere historiaren gakoetako batzuk aurkituko ditugu, bai eta bere kultura eta arte aberatsa ere, hori guztia obraren izaera biografikoa ahaztu gabe, iturri eta dokumentu historiko garrantzitsuenak kontuan hartu eta ikertu baitira horretarako. Iñaki Sainz de Murieta idazle eta gidoigileak eta Miguel Berzosa ilustratzaileak lortutako emaitza goraipatzekoa da.

Egileak

Iñaki Sainz de Murieta (Donostia, 1985) idazlea, antropologoa eta irakaslea da. Espainian, Argentinan eta Estatu Batuetan argitaratu du, eleberria eta kontakizun laburra ere, bai eta gai nagusia euskal kultura duten hainbat antropologia saiakera ere.

Miguel Berzosa (Donostia, 1945) marrazkilariak ilustrazioa eta komikia jorratzen ditu, nagusiki izaera biografikoa, historikoa edo erlijiosoa duten liburuetan, bai haurrentzako bai eta helduentzako ere. Argitaletxe ugarirentzako egin du lan, hots Editions du Signe (Estrasburgo), Les Editeurs du Rameau (Paris), edo Mensajero (Bilbo), besteak beste. Estatu Batuetan, Amerikan eta Asian argitaratu du ere.

Informazio gehiago www.sainzdemurieta.com web orrialdean eta bere Instagram profilean.