Bostgarren urtez jarraian, ‘Egilea argitalpen mundu berrian’ Jardunaldiak egileak, argitaratzaileak, liburu saltzaileak, agenteak eta argitalpen sektoreko beste profesionalak elkartuko ditu Bilbon, liburuaren, irakurketaren eta argitalpenaren munduak jasandako eraldaketaren aspektu ugari ikertzeko, bai eta horrek sortzaileentzako duen eragina ikertzeko ere.

Oraingo honetan ekitaldiak katearen atal gako batean jarri du arreta: irakurlea. Galdera nagusi bati erantzuten saiatuko gara, zer egin behar duten egileek eta argitaratzaileek merkatuari istorioak hornitzeko horiek modu ezberdinean kontsumituak izan daitezen, horrela ahalbidetzen baitu teknologiak eta horrela eskatzen baitute gaur egungo bizimoldeek.

Euskadiko Idazleen Elkarteak (AEE/EIE) antolatzen duen topaketa honek, aurten ere argitalpen sektoreko ekitaldi profesionalen egutegia inauguratzen du eta Eusko Jaurlaritzako Kultura eta Hizkuntza Politika Sailaren babesa du, bai eta Euskadiko Argitaratzaile Gremioaren eta CEDRO-ren laguntza ere. Aukeratutako eszenatokia Azkuna Zentroa kultura zentroa izan da (Bilbo), sarrera irekia izango delarik, gonbidapenarekin eta tokia bete arte.

‘Egilea argitalpen mundu berrian’ V Jardunaldiaren programa   

Jarraian programazioaren xehetasunak uzten dizkizuegu, bai eta osorik deskargatzeko aukera ere hemen.

Prentsa dossierra deskargatzeko sakatu, hemen.